تحدي ال٢٩ يوم،اليوم ال٢٠

Selam,

أني زهراء عباس محمد الخزرجي، داأتعلم لغة تركية وأطمح أني أكون من متحدثيها وبأرادة الله أحقق هذا الشي بالأيام الجاية. أكيد تعلم لغة جديدة مو سهل ولا ممكن يتم ب٢٩ يوم بس داأتعلم أساسيات اللغة وهذا التحدي كان بداية لمشواري بتعلم اللغة التركية وأن شاءالله أواضب على هذا الشي حتى بعد ميخلص التحدي. 

مستمرة بمتابعة الدورات والحمدلله أخذت شهادة أنجاز تدريبي باللغة التركية من منصة معارف ومكملة بدورة ثانية. 

أكتسبت معلومات قيمة عن اللغة بهذه الدورة وأهمها sentence structure, sentence building, many vocabulary, present simple , وبعد هواية أمور. أعتمدت بشكل كبير على هذه الدورات لان حسيتها منظمة ومرتبة أكثر بالشرح وأيضاً هذا الحساب كلش أستفاديت من عندة. 

اللغة التركية صارت جزء من حياتي يعني يومي ميكمل بدون مااستمع الها وأقرة شي جديد عنها. لحد الآن صارت عندي معرفة بأساسيات اللغة وطريقة أستخدامها ومستمرة 💪🏻. 

تحدي ال٢٩ يوم علمني أنه لازم نبدأ، بغض النظر عن أنه الهدف رح يتحقق أو لا. وأني جداً سعيدة وفخورة بنفسي أني أتخذت القرار وبديت بالخطوة الأولى في تعلم اللغة التركية، ومستمرة إن شاءالله للأخير على نفس هذا الهدف إلى أن أحققة. 

تعلم اللغة بشكل عام يحتاج ممارسة ومعرفة بقواعد اللغة ومفرداتها وهذا الشي بالنسبة ألي يتحقق من خلال الدورات التدريبية وحفظ الكلمات وأغتنام الفرصة للتحدث باللغة وهذا الشي ألي ماشية عليه اني طول هذه الفترة. 

 أطمح خلال الايام الجاية الى أن أتم بعض الدورات التدريبية وتعلم مفردات جديدة باللغة التركية. 

وبالأخير أحب أكول أنه أني ممنونة للظروف و للبيئة ألي عايشة بيها أني وممنونة للأشخاص ألي ديساعدوني على بلوغ هدفي بقصد أو بدون قصد☺️.